Футбол агенти Жорже Мендеш тез орада “Барселона” вакиллари билан учрашиб, бир неча йиллардан буён “Реал” шарафини ҳимоя қилиб келаётган мижози Марко Асенсионинг эҳтимолий трансферини муҳокама қилади.
Журналист Жерар Ромеронинг хабарига кўра, "Барселона" ҳақиқатан ҳам шу ёзда Асенсиони ўз сафига жалб қилиш ҳақида ўйламоқда. Эслатиб ўтамиз, Марко эркин агентга айланиши мумкин, чунки футболчи "Реал" билан амалдаги шартномасини узайтиришдан йироқ.
Эслатиб ўтамиз, Асенсио бир неча ой олдин интервьюсида келажакда "Барселона"га ўтишини истисно қилмаган эди. Испаниялик футболчи жорий мавсумда 5 та гол ва 3 та голли узатмани амалга оширди.