Erling Xoland “Manchester Siti” – “Leypsig” uchrashuvining birinchi taymida uchta gol urdi.
22-daqiqada norvegiyalik himoyachi Benjamin Xenrixsning qo‘l bilan o‘ynagan to‘pi uchun belgilangan penaltini golga aylantirdi. 24-daqiqada yarim himoyachi Kevin de Bryuyne darvoza to‘siniga zarba berganidan keyin u boshi bilan to‘pni bo‘sh darvozaga yo‘lladi. Shuningdek taym yakunida ham u o‘z hisobiga gol yozdirib qo‘ydi.
Joriy mavsumda Xoland “shaharliklar” safida 5 ta xet-trik qayd etdi. U bungacha “Kristal Pelas” (27 avgust), “Nottingem Forest” (31 avgust), “Manchester Yunayted” (2 oktyabr) va "Vulverxempton" (22 yanvar) klublari darvozasini uch martadan ishg‘ol qilgandi.
