Эрлинг Холанд “Манчестер Сити” – “Лейпциг” учрашувининг биринчи таймида учта гол урди.

22-дақиқада норвегиялик ҳимоячи Бенжамин Хенрихснинг қўл билан ўйнаган тўпи учун белгиланган пенальтини голга айлантирди. 24-дақиқада ярим ҳимоячи Кевин де Брюйне дарвоза тўсинига зарба берганидан кейин у боши билан тўпни бўш дарвозага йўллади. Шунингдек тайм якунида ҳам у ўз ҳисобига гол ёздириб қўйди.

Жорий мавсумда Холанд “шаҳарликлар” сафида 5 та хет-трик қайд этди. У бунгача “Кристал Пэлас” (27 август), “Ноттингем Форест” (31 август), “Манчестер Юнайтед” (2 октябрь) ва "Вулверхэмптон" (22 январь) клублари дарвозасини уч мартадан ишғол қилганди.