«Liverpul» bosh murabbiyi Yurgen Klopp YECHL 1/8 finalining «Real»ga qarshi javob o‘yini oldidan taxminlari bilan o‘rtoqlashdi.
Birinchi o‘yin 5:2 hisobida «Real Madrid»ning g‘alabasi bilan yakunlangan edi.
«Imkoniyat atigi 1% bo‘lsa ham, biz harakat qilishimiz kerak. Agar biz o‘zimizni salbiy tarzda ko‘rsatgan bo‘lsak, yana ijobiy tarzda hayratda qoldirishimiz ham mumkin. Biz g‘alaba qozonish uchun Madridga kelganmiz.
«Real Madrid» hech qachon o‘ziga bo‘lgan ishonchni yo‘qotmaydi, bu jamoa uchun muhim fazilat. Hech narsa ularga salbiy ta’sir ko‘rsata olmaydi.
Bu ularning mentaliteti. Men ularni to‘liq hurmat qilaman, bu ajoyib jamoa», - deya Kloppning so‘zlarini keltiradi UYEFA rasmiy sayti.
