«Ливерпуль» бош мураббийи Юрген Клопп ЕЧЛ 1/8 финалининг «Реал»га қарши жавоб ўйини олдидан тахминлари билан ўртоқлашди.
Биринчи ўйин 5:2 ҳисобида «Реал Мадрид»нинг ғалабаси билан якунланган эди.
«Имконият атиги 1% бўлса ҳам, биз ҳаракат қилишимиз керак. Агар биз ўзимизни салбий тарзда кўрсатган бўлсак, яна ижобий тарзда ҳайратда қолдиришимиз ҳам мумкин. Биз ғалаба қозониш учун Мадридга келганмиз.
«Реал Мадрид» ҳеч қачон ўзига бўлган ишончни йўқотмайди, бу жамоа учун муҳим фазилат. Ҳеч нарса уларга салбий таъсир кўрсата олмайди.
Бу уларнинг менталитети. Мен уларни тўлиқ ҳурмат қиламан, бу ажойиб жамоа», - дея Клоппнинг сўзларини келтиради УЕФА расмий сайти.
