Viktor Osimxen "Napoli" safida 90ta o‘yinda 51ta gol urgan.
Hujumchi Chempionlar ligasi 1/8 finalida “Ayntraxt” bilan javob o‘yinining birinchi bo‘limi oxirida hisobni ochgan bo‘lsa, ikkinchi o‘yin boshida dubl qayd etdi. U birinchi uchrashuvda ham gol urgandi. Shu tariqa, Osimxen Chempionlar ligasi pley-off bosqichi yoki yevrokubokning ikkala o‘yinida ham gol urgan ilk “Napoli” futbolchisiga aylandi.
Nigeriyalik futbolchi uchinchi mavsumini Italiya jamoasida o‘tkazmoqda. 2023 yilda u 14 o‘yinda 13 ta gol urgan.