Londonning “Chelsi” klubi Turinning “Yuventus” klubi yarim himoyachisi Denis Zakariyani to‘liq sotib olishga hozircha qiziqmayapti. Jurnalist Florian Plettenbergning so‘zlariga ko‘ra, "ko‘klar" ayni damda futbolchining Turinning "Yuventus"iga ijaradan qaytishiga ruxsat beradi.
Eslatib o‘tamiz, "keksa sinyora" va "Chelsi" o‘rtasidagi kelishuvdagi sotib olish varianti 38 million yevroni tashkil qiladi.
"Chelsi" kelasi yozda yangi yarim himoyachi sotib olmoqchi. Agar jamoa Zakariyani sotib olsa, moliyaviy feyr-pley qoidalarini hisobga olsak, bu transfer byudjetiga zarar yetkazishi mumkin.