"Manchester Yunayted" Dortmundning "Borussiya" klubi yarim himoyachisi Jud Bellingemning transferi uchun kurashga tayyor. The Telegraph xabariga ko‘ra, "qizil iblislar" boshqa top-klublar bilan raqobatlashish niyatida.
Eslatib o‘tamiz, Bellingemni uzoq vaqtdan beri "Real", "Liverpul", "Manchester Siti" va "Chelsi" klublari kuzatib kelmoqda. 19 yoshli angliyalik kelasi yozda faoliyatini qayerda davom ettirishi haqida hali bir qarorga kelmagan.
Bellingem potensial xaridorlarga 150 million yevroga tushadi. "Manchester Yunayted" bu yozda yangi yarim himoyachi qidiradi va Jud - bosh murabbiy Erik ten Xag uchun eng yaxshi variantlardan biri.