"Манчестер Юнайтед" Дортмунднинг "Боруссия" клуби ярим ҳимоячиси Жуд Беллингемнинг трансфери учун курашга тайёр. The Telegraph хабарига кўра, "қизил иблислар" бошқа топ-клублар билан рақобатлашиш ниятида.
Эслатиб ўтамиз, Беллингемни узоқ вақтдан бери "Реал", "Ливерпуль", "Манчестер Сити" ва "Челси" клублари кузатиб келмоқда. 19 ёшли англиялик келаси ёзда фаолиятини қаерда давом эттириши ҳақида ҳали бир қарорга келмаган.
Беллингем потенциал харидорларга 150 миллион еврога тушади. "Манчестер Юнайтед" бу ёзда янги ярим ҳимоячи қидиради ва Жуд - бош мураббий Эрик тен Хаг учун энг яхши вариантлардан бири.
