“Manchester Yunayted” hujumchisi Markus Reshford klubning yevrokuboklarda to‘purarlar ro‘yxatida Krishtianu Ronalduni ortda qoldirib, oltinchi o‘ringa chiqib oldi.
Yevropa ligasi 1/8 finalining "Betis" bilan javob o‘yinida (1:0) Reshford yagona gol muallifi bo‘ldi. “Manchester Yunayted” umumiy hisobda 5:1 hisobida g‘alaba qozonib, turnirning keyingi bosqichiga yo‘l oldi.
Bu gol 25 yoshli angliyalik hujumchi uchun "Manchester Yunayted" libosidagi Yevropa turnirlarida 25-bo‘ldi. U Yevropa ligasida 13 ta gol urgan va Chempionlar ligasi o‘yinlarida yana 12 ta gol urgan. Reshford evrokuboklarda "Manchester Yunayted" uchun 24 ta gol urgan Ronaldudan o‘tib ketdi. Ro‘yxatning birinchi pog‘onasini Manchester klubi safida Yevropa turnirlarida 39 marta gol urishga muvaffaq bo‘lgan Ueyn Runi egallab turibdi.
