«Liverpul» tarkibi asta-sekin yangilanib bormoqda.

Bir necha yil oldin Sadio Mane - Muhammad Saloh - Roberto Firminodan iborat hujum triosi nihoyatda xavfli ko‘rinardi, ammo o‘shandan beri ko‘p narsa o‘zgardi.

Mane «Bavariya»ga o‘tdi, Firmino esa asosiy jamoadagi mustahkam o‘yinchi maqomini yo‘qotdi va yozda albatta ketadi. Salohning kelajagi ham noaniq - misrlik klubini o‘zgartirish haqida jiddiy o‘ylamoqda.

Foot Mercato xabariga ko‘ra, Saloh boshqa nufuzli klubga o‘tishni va o‘z faoliyatida yangi vazifani bajarishni istamoqda. Manbaga ko‘ra, 30 yoshli misrlik Ispaniya chempionatiga borishni afzal ko‘rmoqda.

Hammasi bo‘lib Muhammad Saloh «Liverpul» safida 293 ta o‘yin o‘tkazib, 178 ta gol urgan va 74 ta golli uzatmani sheriklariga bergan.