«Ливерпуль» таркиби аста-секин янгиланиб бормоқда.
Бир неча йил олдин Садио Мане - Муҳаммад Салоҳ - Роберто Фирминодан иборат ҳужум триоси ниҳоятда хавфли кўринарди, аммо ўшандан бери кўп нарса ўзгарди.
Мане «Бавария»га ўтди, Фирмино эса асосий жамоадаги мустаҳкам ўйинчи мақомини йўқотди ва ёзда албатта кетади. Салоҳнинг келажаги ҳам ноаниқ - мисрлик клубини ўзгартириш ҳақида жиддий ўйламоқда.
Foot Mercato хабарига кўра, Салоҳ бошқа нуфузли клубга ўтишни ва ўз фаолиятида янги вазифани бажаришни истамоқда. Манбага кўра, 30 ёшли мисрлик Испания чемпионатига боришни афзал кўрмоқда.
Ҳаммаси бўлиб Муҳаммад Салоҳ «Ливерпуль» сафида 293 та ўйин ўтказиб, 178 та гол урган ва 74 та голли узатмани шерикларига берган.
