Ispaniya chempionatining 26-turidan o‘rin olgan markaziy o‘yinda Madridning «Real» klubi safarda Kataloniyaning «Barselona»siga 1:2 hisobida mag‘lub bo‘ldi.
Uchrashuvdan so‘ng «qaymoqranglilar» bosh murabbiyi Karlo Anchelotti OAV vakillari bilan suhbatlashdi.
«Real Madrid» yaxshi o‘yin ko‘rsatdi va g‘alaba qozonish uchun yetarlicha o‘ynadi. Inobatga olinmagan gol haqida shikoyatim bor.
O‘yin oxirida biz hamma narsani sinab ko‘rdik, biroq bir zum konsentrasiyani yo‘qotib, gol o‘tkazib yubordik.
Albatta, bu natijadan afsusdamiz. Ammo jamoa chempionlik uchun oxirigacha kurashadi», - deydi italiyalik.
Ushbu o‘yindan so‘ng «Barselona» va «Real» o‘rtasidagi farq 12 ochkoga etdi.
