"Vulverxempton" yarim himoyachi Ruben Nevesh bo‘yicha boshqa klublarning takliflarini ko‘rib chiqishga tayyor, deb xabar beradi Mirror Football.
Manbaga ko‘ra, 26 yoshli portugaliyalik futbolchiga "Real", "Barselona", "Liverpul" va "Manchester Yunayted" klublari qiziqish bildirmoqda.
Neveshning "Vulverxempton" bilan amaldagi shartnomasi 2024 yilning yoziga qadar mo‘ljallangan. Transfermarkt portali Portugaliya terma jamoasi futbolchisini 40 million yevroga baholamoqda.
Yarim himoyachi joriy mavsumda “bo‘rilar” safida 32 ta o‘yinda maydonga tushib, 5 ta gol urishga erishdi.