"Вулверхэмптон" ярим ҳимоячи Рубен Невеш бўйича бошқа клубларнинг таклифларини кўриб чиқишга тайёр, деб хабар беради Mirror Football.
Манбага кўра, 26 ёшли португалиялик футболчига "Реал", "Барселона", "Ливерпуль" ва "Манчестер Юнайтед" клублари қизиқиш билдирмоқда.
Невешнинг "Вулверхэмптон" билан амалдаги шартномаси 2024 йилнинг ёзига қадар мўлжалланган. Transfermarkt портали Португалия терма жамоаси футболчисини 40 миллион еврога баҳоламоқда.
Ярим ҳимоячи жорий мавсумда “бўрилар” сафида 32 та ўйинда майдонга тушиб, 5 та гол уришга эришди.