Lissabonning "Benfika" jamoasida o‘ynayotgan chap qanot himoyachisi Alexandro Grimaldo o‘z vatanida faoliyatini davom ettirish imkoniyatiga ega.
Todofichajes jurnalistlarining xabar berishicha, 27 yoshli ispaniyalik futbolchining xizmatlariga Madridning “Atletiko” klubi qiziqmoqda. “Matraschilar” futbolchini shu yozda tekinga olmoqchi, chunki Alexandroning “burgutlar” bilan shartnomasi iyun oyi oxirida tugaydi.
Joriy mavsumda Alexandro Portugaliyada 24 ta o‘yinda maydonga tushib, 2 ta gol va 8 ta golli uzatmaga mualliflik qilgan.
