«Barselona» - «Real» (2:1) o‘rtasidagi «klasiko»da Ronald Arauxo jarohat oldi.

Bugun tongda kechagi o‘yinni to‘liq tarkibda o‘tkazgan himoyachi ko‘rikdan o‘tkazilib, uning natijalariga ko‘ra chap sonning qo‘shimcha mushaklari shikastlangani aniqlangan.

AS xabariga ko‘ra, Arauxo 2-3 haftani o‘tkazib yuboradi. Qayd etilishicha, u «Real» bilan o‘yinni oyog‘ida noqulaylik his qilib, yakunlagan.

Ronald Urugvay terma jamoasiga Yaponiya va Janubiy Koreya bilan o‘yinlarga bormaydi. Uchrashuvlar mos ravishda Tokio va Seulda bo‘lib o‘tadi.

Arauxo Ispaniya kubogi yarim finalida «Real»ga qarshi javob o‘yinida tiklanishi kutilmoqda. «Barsa» birinchi o‘yinda 1:0 hisobida g‘alaba qozongan.