«Барселона» - «Реал» (2:1) ўртасидаги «класико»да Рональд Араухо жароҳат олди.

Бугун тонгда кечаги ўйинни тўлиқ таркибда ўтказган ҳимоячи кўрикдан ўтказилиб, унинг натижаларига кўра чап соннинг қўшимча мушаклари шикастлангани аниқланган.

AS хабарига кўра, Араухо 2-3 ҳафтани ўтказиб юборади. Қайд этилишича, у «Реал» билан ўйинни оёғида ноқулайлик ҳис қилиб, якунлаган.

Рональд Уругвай терма жамоасига Япония ва Жанубий Корея билан ўйинларга бормайди. Учрашувлар мос равишда Токио ва Сеулда бўлиб ўтади.

Араухо Испания кубоги ярим финалида «Реал»га қарши жавоб ўйинида тикланиши кутилмоқда. «Барса» биринчи ўйинда 1:0 ҳисобида ғалаба қозонган.