"PSJ" hujumchisi Lionel Messi Liga 1 doirasida "Renn" bilan uy uchrashuvidan keyin jamoa muxlislarini e’tiborsiz qoldirdi. Parij grandi o‘z uyida sensasion tarzda 0:2 hisobida mag‘lub bo‘ldi.
TalkSport xabariga ko‘ra, uchrashuv yakunlangach, “PSJ”ning bir guruh futbolchilari o‘z muxlislaridan uzr so‘rash uchun maydon burchagiga borishdi. Messi esa darhol tribuna ostidagi xonaga borishga qaror qildi. Eslatib o‘tamiz, o‘yin davomida stadion tribunalaridan 35 yoshli argentinalik futbolchi tomon hushtak yangradi.
Fransiya chempionatining joriy mavsumida Messi 23 ta bahs o‘tkazib, 13 ta gol urgan va 13 ta golli uzatmani amalga oshirgan.