"ПСЖ" ҳужумчиси Лионель Месси Лига 1 доирасида "Ренн" билан уй учрашувидан кейин жамоа мухлисларини эътиборсиз қолдирди. Париж гранди ўз уйида сенсацион тарзда 0:2 ҳисобида мағлуб бўлди.
TalkSport хабарига кўра, учрашув якунлангач, “ПСЖ”нинг бир гуруҳ футболчилари ўз мухлисларидан узр сўраш учун майдон бурчагига боришди. Месси эса дарҳол трибуна остидаги хонага боришга қарор қилди. Эслатиб ўтамиз, ўйин давомида стадион трибуналаридан 35 ёшли аргентиналик футболчи томон ҳуштак янгради.
Франция чемпионатининг жорий мавсумида Месси 23 та баҳс ўтказиб, 13 та гол урган ва 13 та голли узатмани амалга оширган.
