Argentinalik hujumchi Anxel Korrea «Atletiko Madrid»dagi rolidan norozi va joriy mavsum oxirida o‘z klubini o‘zgartirishni rejalashtirmoqda.
Todofichajesning xabar berishicha, 28 yoshli futbolchida faoliyatini Italiya va Angliyada davom ettirish imkoniyatlari bor.
Korrea uchun «Atalanta», «Yuventus», «Inter», «Milan», «Tottenxem» va «Nyukasl» kurash olib boradi.
Anxelning 2025/2026 yilgi mavsum oxirigacha «matraschilar» bilan shartnomasi bor. Argentinalik futbolchining transfer narxi 40 million yevroni tashkil qiladi.
Ispaniya chempionatining joriy mavsumida Korrea 24 ta o‘yin o‘tkazib, 5 ta gol urgan.