Аргентиналик ҳужумчи Анхель Корреа «Атлетико Мадрид»даги ролидан норози ва жорий мавсум охирида ўз клубини ўзгартиришни режалаштирмоқда.
Todofichajesнинг хабар беришича, 28 ёшли футболчида фаолиятини Италия ва Англияда давом эттириш имкониятлари бор.
Корреа учун «Аталанта», «Ювентус», «Интер», «Милан», «Тоттенхэм» ва «Ньюкасл» кураш олиб боради.
Анхельнинг 2025/2026 йилги мавсум охиригача «матрасчилар» билан шартномаси бор. Аргентиналик футболчининг трансфер нархи 40 миллион еврони ташкил қилади.
Испания чемпионатининг жорий мавсумида Корреа 24 та ўйин ўтказиб, 5 та гол урган.
