Ueyn Runining 13 yoshli o‘g‘li otasini navbatdagi o‘yinida xursand qildi - u U13 Nord bolalar kubogi doirasida bo‘lib o‘tgan o‘yinda «Manchester Siti» darvozasiga g‘alaba to‘pini kiritdi. Aytish kerakmi, Kay Runi tabiiyki «Manchester Yunayted»da o‘ynaydi?!
Yakunda «qizil iblislar» 2:0 hisobida g‘alaba qozonishdi. O‘yindan so‘ng Kay ijtimoiy tarmoqlarda medali bilan maqtandi.
Eslatib o‘tamiz, Runining o‘g‘li allaqachon U12 terma jamoasi safida 56 ta gol urib, 28 ta golli uzatmani amalga oshirgandi.
Shu jumladan, «Liverpul» darvozasiga to‘rtta gol urgan bahsda uning jamoasi 4:5 hisobida mag‘lub bo‘ldi.
