Уэйн Рунининг 13 ёшли ўғли отасини навбатдаги ўйинида хурсанд қилди - у U13 Норд болалар кубоги доирасида бўлиб ўтган ўйинда «Манчестер Сити» дарвозасига ғалаба тўпини киритди. Айтиш керакми, Кай Руни табиийки «Манчестер Юнайтед»да ўйнайди?!

Якунда «қизил иблислар» 2:0 ҳисобида ғалаба қозонишди. Ўйиндан сўнг Кай ижтимоий тармоқларда медали билан мақтанди.

Эслатиб ўтамиз, Рунининг ўғли аллақачон U12 терма жамоаси сафида 56 та гол уриб, 28 та голли узатмани амалга оширганди.

Шу жумладан, «Ливерпуль» дарвозасига тўртта гол урган баҳсда унинг жамоаси 4:5 ҳисобида мағлуб бўлди.