"Milan" hujumchisi Zlatan Ibrahimovich jiddiy jarohatdan so‘ng nega faoliyatini yakunlamaganini aytdi.

"Skudettodan keyin futboldan ketish juda oson bo‘lardi. Oxirgi 14 oy ichida uchta operasiyani o‘tkazdim. Tizza bilan vaziyat yaxshilanmagan bir lahza bor edi, men tunnel oxirida yorug‘likni ko‘rmadim. Keyin, nihoyat, ishlar yaxshilandi. Ketish haqida hech o‘yladimmi? Hech qachon. Muammolar menga adrenalin beradi. Jurnalistlar men haqimda doim boshqalarga o‘xshamasligimni, o‘ta xudbin ekanligimni yozishgan va aytishgan. Siz menga yordam berdingiz va shunday qilishda davom etasiz. Mening ichimda doim menga shubha qiladigan har bir kishiga o‘zlarining noto‘g‘ri ekanligini isbotlash istagi bor", - dedi Ibrahimovichn Alfredo Pedulla bilan suhbatda.

41 yoshli forvard o‘tgan yilning may oyida safdan chiqqandi. Shu paytdan boshlab u deyarli bir yil maydonga tushmadi. Ibrahimovich joriy mavsumda ilk bor 26 fevral kuni bo‘lib o‘tgan A Seriya 24-turida "Atalanta" bilan o‘yinda (2:0) maydonga tushdi.