"Милан" ҳужумчиси Златан Ибраҳимович жиддий жароҳатдан сўнг нега фаолиятини якунламаганини айтди.

"Скудеттодан кейин футболдан кетиш жуда осон бўларди. Охирги 14 ой ичида учта операцияни ўтказдим. Тизза билан вазият яхшиланмаган бир лаҳза бор эди, мен туннел охирида ёруғликни кўрмадим. Кейин, ниҳоят, ишлар яхшиланди. Кетиш ҳақида ҳеч ўйладимми? Ҳеч қачон. Муаммолар менга адреналин беради. Журналистлар мен ҳақимда доим бошқаларга ўхшамаслигимни, ўта худбин эканлигимни ёзишган ва айтишган. Сиз менга ёрдам бердингиз ва шундай қилишда давом этасиз. Менинг ичимда доим менга шубҳа қиладиган ҳар бир кишига ўзларининг нотўғри эканлигини исботлаш истаги бор", - деди Ибраҳимовичн Альфредо Педулла билан суҳбатда.

41 ёшли форвард ўтган йилнинг май ойида сафдан чиққанди. Шу пайтдан бошлаб у деярли бир йил майдонга тушмади. Ибраҳимович жорий мавсумда илк бор 26 феврал куни бўлиб ўтган А Серия 24-турида "Аталанта" билан ўйинда (2:0) майдонга тушди.