Kataloniyaning «Barselona» klubi jurnalistlarni Negreyraning shov-shuvli ishi bo‘yicha sudga bermoqchi, deb xabar bermoqda Marca.

Klub allaqachon hakamlik mojarosi paydo bo‘lganidan so‘ng zarar ko‘rgan imijni himoya qilishga qaratilgan beshta sudga da’vo arizasi bergan.

«Bizning obro‘-e’tiborimizga putur yetkazmoqchi bo‘lgan har bir kishiga keskin chora ko‘riladi», - deya ogohlantirdi «ko‘k-anorranglilar» prezidenti Joan Laporta.

«Barsa» Negreyra ishini klubga yoqmaydigan tarzda piar qilib yoritgan jurnalistlar va nashrlarni sudga berishni boshladi.

Ayni paytda beshta ariza ma’lum, biroq advokatlar yana bir nechta arizalarni tayyorlamoqda. Nashr ma’lumotlariga ko‘ra, yana to‘rttasi payshanba kuni taqdim etiladi, yana beshtasi tayyorlanmoqda.

Jurnalistlarning ism-shariflari va OAV nomlari hozircha tergov manfaati uchun oshkor etilmagan.