Каталониянинг «Барселона» клуби журналистларни Негрейранинг шов-шувли иши бўйича судга бермоқчи, деб хабар бермоқда Marca.

Клуб аллақачон ҳакамлик можароси пайдо бўлганидан сўнг зарар кўрган имижни ҳимоя қилишга қаратилган бешта судга даъво аризаси берган.

«Бизнинг обрў-эътиборимизга путур етказмоқчи бўлган ҳар бир кишига кескин чора кўрилади», - дея огоҳлантирди «кўк-анорранглилар» президенти Жоан Лапорта.

«Барса» Негрейра ишини клубга ёқмайдиган тарзда пиар қилиб ёритган журналистлар ва нашрларни судга беришни бошлади.

Айни пайтда бешта ариза маълум, бироқ адвокатлар яна бир нечта аризаларни тайёрламоқда. Нашр маълумотларига кўра, яна тўрттаси пайшанба куни тақдим этилади, яна бештаси тайёрланмоқда.

Журналистларнинг исм-шарифлари ва ОАВ номлари ҳозирча тергов манфаати учун ошкор этилмаган.