Misr chempionati ikkinchi ligasi uchrashuvida qiziq voqea yuz berdi.
"An-Nasr" jamoasining "Suesa"ga qarshi bahsida bosh hakam Muhammad Faruk kiritilgan gollardan birining to‘g‘riligiga shubha qildi, biroq VARga emas, balki... muxlislardan birining telefoniga qarashga qaror qildi. U to‘p qo‘lga tekkanini va u kiritilgan golni bekor qilish uchun asos deb hisobladi.
ITASportPress axborot agentligi xabariga ko‘ra, Misr futbol federasiyasi innovasion texnologiyalarga nisbatan bunday yondashuvdan dahshatga tushgan va Farukni "noma’lum muddatga" diskvalifikasiya qilgan.
Darvoqe, u maydonni polisiya qurshovida tark etdi, chunki 1:3 hisobida mag‘lub bo‘lgan "An-Nasr" muxlislari unga nisbatan bosim o‘tkazishdi.
