Leverkuzenning “Bayer” klubi yarim himoyachisi Florian Virs faoliyatini Angliya Premyer-ligasida davom ettirishi mumkin. Goal xabariga ko‘ra, futbolchiga "Manchester Siti" qiziqish bildirmoqda.
"Shaharliklar" futbolchi uchun bir nechta top-klublar bilan raqobatlashish niyatida. Florianga Londonning "Arsenal" va "Tottenxem" klublari, shuningdek, Dortmundning "Borussiya", "Bavariya" va "Barselona" klublari ham qiziqish bildirmoqda.
Virtzning transfer narxi 70 million yevroga baholanmoqda. Uning "Bayer" bilan shartnomasi 2027 yilning o‘rtalariga qadar tuzilgan.
Florian joriy mavsum Bundesligada 9 ta o‘yinda maydonga tushib, 4 ta golli uzatmani amalga oshirdi.