"Manchester Yunayted" ikki futbolchisi bilan shartnomani uzaytirmoqchi. Jurnalist Tayron Mitchellning xabariga ko‘ra, "qizil iblislar" hujumchi Markus Reshford va shartnomasi shu mavsum oxirida yakuniga yetadigan darvozabon David de Xea bilan muzokaralar olib bormoqda.
Eslatib o‘tamiz, yaqinda Reshford bilan kelishuv avtomatik tarzda keyingi mavsum oxirigacha uzaytirildi, biroq "MYU" futbolchini uzoqroq muddatga saqlab qolmoqchi. O‘z navbatida De Xea jamoada qolishga tayyor, ammo klub futbolchidan maoshini sezilarli darajada qisqartirishni qabul qilishni talab qilmoqda.
Manbaga ko‘ra, "qizil iblislar" va har ikki futbolchi o‘rtasidagi muzokaralar ijobiy ketmoqda.
