"Манчестер Юнайтед" икки футболчиси билан шартномани узайтирмоқчи. Журналист Тайрон Митчеллнинг хабарига кўра, "қизил иблислар" ҳужумчи Маркус Рэшфорд ва шартномаси шу мавсум охирида якунига етадиган дарвозабон Давид де Хеа билан музокаралар олиб бормоқда.
Эслатиб ўтамиз, яқинда Рэшфорд билан келишув автоматик тарзда кейинги мавсум охиригача узайтирилди, бироқ "МЮ" футболчини узоқроқ муддатга сақлаб қолмоқчи. Ўз навбатида Де Хеа жамоада қолишга тайёр, аммо клуб футболчидан маошини сезиларли даражада қисқартиришни қабул қилишни талаб қилмоқда.
Манбага кўра, "қизил иблислар" ва ҳар икки футболчи ўртасидаги музокаралар ижобий кетмоқда.
