«Milan» hujumchi Rafael Leau bilan yangi shartnoma borasida muzokaralarni davom ettirmoqda.

Mish-mishlarga ko‘ra, klub va futbolchining maoshi bo‘yicha xohishi turlicha - portugaliyalik futbolchi yiliga 7,5 million yevro ishlab olmoqchi, klub esa 6 million to‘lashga tayyor.

Todofichajesning so‘zlariga ko‘ra, «rossonerilar» uni o‘z saflarida saqlab qolish uchun Leauga taklif bilan chiqishlari mumkin.

2022/2023 yilgi mavsumda Rafael Leau 35 ta o‘yin o‘tkazib, 9 ta gol urdi va 10 ta golli uzatmani amalga oshirdi.

Mish-mishlar 23 yoshli portugaliyalik hujumchini Yevropaning bir qator grandlari bilan bog‘lab turgan.

Rafael Leauning «Milan» bilan amaldagi shartnomasi 2024 yilning o‘rtalariga qadar tuzilgan.