Pro-liga 2-turi doirasida bo‘lib o‘tgan “G‘ijduvon” — “Sho‘rtan” uchrashuvidan (1:2) so‘ng mehmonlar bosh murabbiyi Aleksey Yevstafeev o‘yin haqida o‘z fikrlarini bildirib o‘tdi.

"Eng asosiysi uch ochkoni qo‘lga kiritdik. Qiyin o‘yin bo‘ldi. Himoyalanishda ham xatolarga yo‘l qo‘ydik. Rostini aytsam, penaltini amalga oshirishda katta bosim bo‘ladi. Ikkita penaltidan foydalana olmadik. Nima uchun bunday bo‘lganiga o‘zim ham hayronman.

Xo‘sh, raqib o‘z uyida o‘ynadi. Ular yaxshi harakat qilishdi va qarshi hujumda gol urishga erishishdi. Uchrashuv oxirida bizga omad kulib boqdi. Bellashuv so‘nggida biz ikkinchi golimizni kiritdik va g‘alaba qozondik. “G‘ijduvon”ga qarshi bellashuv oson bo‘lmasligini bilar edik va shunga tayyorlangan edik.

Pro-ligada birinchi bor murabbiy bo‘lib ishlayapman. Bu bellashuv Pro-ligada musobaqasida bizning ikkinchi o‘yinimiz. Xo‘sh, men barcha jamoalar haqida gapira olmayman, chunki men faqat “Qo‘qon” jamoasini o‘yinini ko‘rdim, yaxshi jamoa. Ularda futbolchilar tanlovi bor. Samarqand va “Mash’al”ning ham o‘yinlarini ko‘rdim. Bu ikkita jamoada ham yaxshi futbolchilar  jamlangan. Qolganlari to‘g‘risida hozircha hech narsa deya olmayman", — dedi Yevstafeev.

“Sho‘rtan” PFK matbuot xizmati.