Про-лига 2-тури доирасида бўлиб ўтган “Ғиждувон” — “Шўртан” учрашувидан (1:2) сўнг меҳмонлар бош мураббийи Алексей Евстафеев ўйин ҳақида ўз фикрларини билдириб ўтди.

"Энг асосийси уч очкони қўлга киритдик. Қийин ўйин бўлди. Ҳимояланишда ҳам хатоларга йўл қўйдик. Ростини айтсам, пенальтини амалга оширишда катта босим бўлади. Иккита пенальтидан фойдалана олмадик. Нима учун бундай бўлганига ўзим ҳам ҳайронман.

Хўш, рақиб ўз уйида ўйнади. Улар яхши ҳаракат қилишди ва қарши ҳужумда гол уришга эришишди. Учрашув охирида бизга омад кулиб боқди. Беллашув сўнггида биз иккинчи голимизни киритдик ва ғалаба қозондик. “Ғиждувон”га қарши беллашув осон бўлмаслигини билар эдик ва шунга тайёрланган эдик.

Про-лигада биринчи бор мураббий бўлиб ишлаяпман. Бу беллашув Про-лигада мусобақасида бизнинг иккинчи ўйинимиз. Хўш, мен барча жамоалар ҳақида гапира олмайман, чунки мен фақат “Қўқон” жамоасини ўйинини кўрдим, яхши жамоа. Уларда футболчилар танлови бор. Самарқанд ва “Машъал”нинг ҳам ўйинларини кўрдим. Бу иккита жамоада ҳам яхши футболчилар  жамланган. Қолганлари тўғрисида ҳозирча ҳеч нарса дея олмайман", — деди Евстафеев.

“Шўртан” ПФК матбуот хизмати.