Jurnalist Daniele Longoning fikricha, "Milan" yozgi transfer oynasida hujumchi Divok Origini sotishga tayyor.
Manbaga ko‘ra, "Milan" 27 yoshli belgiyalik futbolchi uchun 15 million yevro olishni kutmoqda.
Origi o‘tgan yozdan beri "rossonerilar" safida harakat qilmoqda. O‘shandan beri u klub safida barcha musobaqalarda 25 ta o‘yinda maydonga tushib, 2 ta gol urdi va bitta golli uzatmani amalga oshirdi. Transfermarkt portali uning narxini 8 million yevroga baholamoqda.