Belgiya terma jamoasi hujumchisi Romelu Lukaku 2024 yilgi Yevropa chempionati saralash o‘yinida Shvesiya terma jamoasi ustidan qozonilgan yirik g‘alaba haqida gapirdi.“Qizil iblislar” 3:0 hisobida g‘alaba qozonishdi va hujumchi xet-trik qayd etdi.

“Bu oson o‘yin emas, lekin biz g‘alabadan xursandmiz. Ular yaxshi o‘yin ko‘rsatishdi. Men nima qila olishimni butun dunyoga ko‘rsatishdan xursandman. Men o‘zimni jamoa yetakchilaridan biridek his qilyapman. Endi bor etiborni Germaniyaga qarshi o‘yinga qaratishimiz kerak. Biz g‘alaba qozonishga qodirmiz”, - deydi forvard Tuttomercatoweb portaliga.

Belgiya va Germaniya terma jamoalari o‘rtasidagi uchrashuv 28 mart, seshanba kuni Kyoln shahrida bo‘lib o‘tadi.