Ukraina terma jamoasi himoyachisi Aleksandr Zinchenko jamoasining Yevro-2024 saralashida Angliyaga qarshi o‘yindagi mag‘lubiyati (0:2) haqida fikr bildirdi.
“O‘tkazib yuborilgan ikkita goldan keyin o‘zimizni tiklab olish oson ish emasdi. Biz Angliyaning qanchalik kuchli ekanligini bilardik. Bu o‘yinlarda hamma narsani katta futbolchilar hal qilishadi. Bosh murabbiy hali saralashdan o‘ta olishimizga ishonishimiz kerakligini aytdi. Bizning salohiyatimiz bo‘yicha shunday ajoyib jamoamiz, ko‘plab yosh futbolchilar bor, biz albatta harakat qilishda davom etishimiz kerak. Ammo bugungi o‘yin ajoyib tajriba bo‘ldi", - deya Zinchenkoning so‘zlarini keltiradi UYEFA rasmiy sayti.
Angliyaning navbatdagi o‘yini Maltaga qarshi bo‘ladi. Ukraina terma jamoasi o‘z navbatida navbatdagi o‘yinda Shimoliy Makedoniya terma jamoasi bilan o‘ynaydi.
