Украина терма жамоаси ҳимоячиси Александр Зинченко жамоасининг Евро-2024 саралашида Англияга қарши ўйиндаги мағлубияти (0:2) ҳақида фикр билдирди.
“Ўтказиб юборилган иккита голдан кейин ўзимизни тиклаб олиш осон иш эмасди. Биз Англиянинг қанчалик кучли эканлигини билардик. Бу ўйинларда ҳамма нарсани катта футболчилар ҳал қилишади. Бош мураббий ҳали саралашдан ўта олишимизга ишонишимиз кераклигини айтди. Бизнинг салоҳиятимиз бўйича шундай ажойиб жамоамиз, кўплаб ёш футболчилар бор, биз албатта ҳаракат қилишда давом этишимиз керак. Аммо бугунги ўйин ажойиб тажриба бўлди", - дея Зинченконинг сўзларини келтиради УЕФА расмий сайти.
Англиянинг навбатдаги ўйини Мальтага қарши бўлади. Украина терма жамоаси ўз навбатида навбатдаги ўйинда Шимолий Македония терма жамоаси билан ўйнайди.
