"Bornmut" o‘zining rasmiy saytida darvozabon va klub sardori Norbertu Netu bilan shartnomani uzaytirganini e’lon qildi.
33 yoshli braziliyalikning ingliz klubi bilan yangi shartnomasi 2026 yilgacha mo‘ljallangan. Transfermarkt portali futbolchining narxini 2,5 million yevroga baholamoqda.
Netu "Bornmut"ga 2022 yilning yozida erkin agent sifatida kelib qo‘shilgan edi.
2022/23 yilgi mavsumda darvozabon jamoa safida barcha musobaqalarda 18 ta o‘yinda maydonga tushib, 25 ta gol o‘tkazib yuborgan va 4 marta o‘z darvozasi daxlsizligini saqlab qolgan.
