Kataloniyaning "Barselona" klubining 20 yoshli hujumchisi Ansu Fati yozgi transfer oynasida jamoasini o‘zgartirishi mumkin. Todofichajes nashri ma’lumotlariga ko‘ra, hujumchida faoliyatini Ispaniyaning boshqa top-klubida davom ettirish imkoniyati bor.

Futbolchining xizmatlariga Madridning “Atletiko” klubi qiziqish bildirmoqda. "Matraschilar" lagerida Fati belgiyalik Yannik Karraskoga muqobil hisoblanadi. Ansuning potensial transfer summasi 35 million yevroga baholanmoqda.

Hujumchi joriy mavsumda La Ligada 24 ta o‘yinda maydonga tushib, 3 ta gol urdi va 3 ta golli uzatmani amalga oshirdi. Uning kataloniyaliklar bilan shartnomasi 2027 yilning o‘rtalariga qadar tuzilgan.