Angliya Premyer-ligasi moliyaviy qoidalarga o‘zgartirish tayyorlamoqda. Premyer-liga rahbari Richard Masters transferlar narxi va maoshlar daromadning 70 foizidan oshmasligi kerak bo‘lgan UYEFA tizimiga o‘xshash moliyaviy tizimni ma’qullashini aytdi.

Mastersning fikricha, APL klublari bilan Chempionship klublari o‘rtasidagi farq qisqaradi. Bularning barchasi haqida jurnalist Martin Sigler ijtimoiy tarmoqlarda yozgan.

Ayni damda Angliya chempionati peshqadami "Arsenal" hisoblanadi. Londonliklar bir o‘yinni ko‘proq o‘tkazgan holda ikkinchi o‘rindagi "Manchester Siti"ni sakkiz ochkoga ortda qoldirmoqda. "Kanonirlar" 2004 yildan beri birinchi marta chempion bo‘lishlari mumkin.