Англия Премьер-лигаси молиявий қоидаларга ўзгартириш тайёрламоқда. Премьер-лига раҳбари Ричард Мастерс трансферлар нархи ва маошлар даромаднинг 70 фоизидан ошмаслиги керак бўлган УЕФА тизимига ўхшаш молиявий тизимни маъқуллашини айтди.
Мастерснинг фикрича, АПЛ клублари билан Чемпионшип клублари ўртасидаги фарқ қисқаради. Буларнинг барчаси ҳақида журналист Мартин Циглер ижтимоий тармоқларда ёзган.
Айни дамда Англия чемпионати пешқадами "Арсенал" ҳисобланади. Лондонликлар бир ўйинни кўпроқ ўтказган ҳолда иккинчи ўриндаги "Манчестер Сити"ни саккиз очкога ортда қолдирмоқда. "Канонирлар" 2004 йилдан бери биринчи марта чемпион бўлишлари мумкин.
