«Tottenxem» Antonio Konteni iste’foga chiqardi va endi jamoaga yangi bosh murabbiy qidirmoqda.

The Telegraph xabariga ko‘ra, London klubining qisqa ro‘yxatida birinchi o‘rinda yaqinda «Bavariya»dan iste’foga chiqarilgan Yulian Nagelsman joylashgan.

Shuningdek, ro‘yxatda «Brayton»dan Roberto de Zerbi, «Seltik»dan Ange Postekoglu va ishsiz Luis Enrike ham bor.

Katta ehtimol bilan «Tottenxem» yozda yangi doimiy murabbiy tayinlaydi. «Tottenxem» hozirda APL turnir jadvalida to‘rtinchi o‘rinda bormoqda.

«Shporlar» navbatdagi o‘yinini 3 aprel kuni «Gudison Park»da «Everton»ga qarshi o‘tkazadi.