«Тоттенхэм» Антонио Контени истеъфога чиқарди ва энди жамоага янги бош мураббий қидирмоқда.
The Telegraph хабарига кўра, Лондон клубининг қисқа рўйхатида биринчи ўринда яқинда «Бавария»дан истеъфога чиқарилган Юлиан Нагельсман жойлашган.
Шунингдек, рўйхатда «Брайтон»дан Роберто де Зерби, «Селтик»дан Анге Постекоглу ва ишсиз Луис Энрике ҳам бор.
Катта эҳтимол билан «Тоттенхэм» ёзда янги доимий мураббий тайинлайди. «Тоттенхэм» ҳозирда АПЛ турнир жадвалида тўртинчи ўринда бормоқда.
«Шпорлар» навбатдаги ўйинини 3 апрель куни «Гудисон Парк»да «Эвертон»га қарши ўтказади.
