Bilbaoning "Atletik" klubi markaziy himoyachisi Inigo Martines yangi mavsumdan boshlab "Barselona" tarkibida harakat qiladi.
Tomonlar kelishuvning barcha shartlari bo‘yicha to‘liq kelishib oldilar. 31 yoshli futbolchi erkin agent sifatida Kataloniya klubiga o‘tadi, chunki uning "Atletik" bilan shartnomasi iyun oyida tugaydi. Taniqli insayder Jerar Romeroning so‘zlariga ko‘ra, Martines agar ro‘yxatdan o‘tishda muammolar yuzaga kelsa, boshqa klubga ijaraga berilishi sharti bilan "Barselona" bilan shartnoma imzolashga rozi bo‘lgan. Shu bilan birga, markaziy himoyachiga kelishilgan maoshning saqlanishi kafolatlanadi.
Inigo Martines 2018 yildan buyon "Atletik" safida to‘p surmoqda va jamoa safida 173 ta o‘yin o‘tkazib, 8 ta gol urishga muvaffaq bo‘ldi.
Avvalroq kataloniyaliklar Ilkay Gyundogan bilan kelishuvga erishgani, shuningdek, Lionel Messi ham "ko‘k-anorranglilar" taklif qilgan moliyaviy shartlarga rozi bo‘lishi haqida xabarlar chiqqan edi.