Shu yilning 11 may kuni milliy terma jamoalari o‘rtasidagi Osiyo kubogi final bosqichiga qur’a tashlash marosimi bo‘lib o‘tadi. Qur’adan avval jamoalarni savatchalarga ajratishda FIFAning 6 aprel kuni e’lon qilinadigan reytingi asos qilib olinadi.
Reyting rasman hali e’lon qilinmagan bo‘lsa-da, "Futbolium" telegram-kanali Osiyo kubogida ishtirok etadigan terma jamoalarning reytingi va savatchalar tarkibini e’lon qildi.
O‘zbekiston terma jamoasi Osiyoning 10-jamoasi sifatida 2-savatchadan o‘rin oldi (bir savatchadan 6 tadan jamoa bo‘ladi). Bu savatda Iroq, BAA, Ummon, Xitoy va Iordaniya ham o‘rin olgan. Biz bu jamoalar bilan bir guruhdan o‘rin olmaymiz.
1-savatdan esa JCH-2022da ishtirok etgan 5ta terma jamoa va mezbon Qatar joy olgan.
1-SAVATCHA
Qatar — 1389 (mezbon)
Yaponiya — 1588
Eron — 1553
Janubiy Koreya — 1535
Avstraliya — 1528
Saudiya Arabistoni — 1427
2-SAVATCHA
Iroq — 1353
BAA — 1338
Ummon — 1334
O‘zbekiston — 1314
Xitoy — 1304
Iordaniya — 1293
3-SAVATCHA
Bahrayn — 1287
Suriya — 1243
Falastin — 1234
Vyetnam — 1230
Qirg‘iziston — 1228
Livan — 1203
4-SAVATCHA
Hindiston — 1201
Tojikiston — 1181
Tailand — 1175
Malayziya — 1082
Gonkong — 1057
Indoneziya — 1041
Osiyo kubogi musobaqasi 2024 yil 12 yanvar — 10 fevral kunlari oralig‘ida bo‘lib o‘tadi.
