"Tottenxem" Kataloniyaning "Barselona" klubidan markaziy himoyachi Kleman Langleni to‘liq sotib olishga yaqin turibdi. Bu haqda Ispaniyaning Sport nashri xabar bermoqda.
Manba bergan xabarga ko‘ra, Antonio Konte ishdan bo‘shatilganiga qaramay, "Tottenxem" o‘zini professional darajada ko‘rsatgan fransiyalik himoyachini jamoada olib qolmoqchi. To‘lov miqdori 14 million yevro bo‘lishi kutilmoqda.
Eslatib o‘tamiz, joriy mavsumda Langle "Tottenxem"da bir yillik ijara asosida o‘ynadi. Oxir-oqibat, "shporlar" rahbariyati himoyachini doimiy ravishda sotib olish kerak degan xulosaga keldi.
