Londonning “Arsenal” klubi hujumkor yarim himoyachi Bukayo Saka bilan hamkorlikni uzaytirish borasida muzokaralarni davom ettirmoqda. CaughtOffside jurnalistlariga ma’lum bo‘lishicha, "kanonirlar" futbolchiga yangi shartnomada katta miqdorda tovon puli belgilamoqchi.
Rahbariyat 21 yoshli vingerni 120 million funtga (136 million yevro) baholamoqda. Aynan mana shu summani londonliklar tovon sifatida ko‘rsatishni rejalashtirmoqda.
Tomonlar o‘rtasidagi amaldagi mehnat shartnomasi muddati 2024 yilning o‘rtalarigacha hisoblangan.
Saka joriy mavsum chempionatda 28 ta o‘yinda maydonga tushib, 12 ta gol (2 tasi penaltidan) va 10 ta golli uzatmaga mualliflik qilgan.
