Karlo Anchelotti Dani Karvaxalni doim qo‘llab-quvvatlaydi, biroq o‘ng qanot himoyachisi juda uzoq vaqtdan beri formada emasligi ko‘pchilik muxlislarga ayon. Klub faxriysi avvalgi darajasiga qaytmasligi mumkin.
O‘ng qanot himoyachisining pozisiyasi Madrid uchun muammoli. Lekin buni qanday hal qilish mumkin? "Qirollik klubi"da uchta variant mavjud.
Yangi o‘yinchi bilan shartnoma tuzish
Yozda Madrid transfer bozoriga chiqib, yangi yulduz qanot himoyachisini olib kelishi mumkin. Diario AS xabariga ko‘ra, ro‘yxatga Ris Jeyms, Joau Kanselo, Xuan Foyt va Davide Kalabriya kiritilgan.
Muammo shundaki, yaxshi o‘ng qanot himoyachisi juda qimmat - va xabarlarga ko‘ra, klub boshqa asosiy xaridlarga e’tibor qaratadi - Yoshko Gvardiol va Jud Bellingem.
Militaoni o‘ng qanotga o‘tkazish
Anchelotti bu taktikani mavsumda ikki marta "Vilyarreal"ga qarshi o‘yinda sinab ko‘rdi. Birinchi tajriba o‘rtacha natija berdi, ikkinchisi muvaffaqiyatli bo‘ldi. Keyin Militao hatto gol ham urdi. Braziliya terma jamoasida qanotda Eder Militao o‘zini yaxshi his qilmoqda. Ba’zida u himoyada ham, hujumda ham faollik ko‘rsatadi.
Devid Alaba tez orada asosiy tarkib uchun kurashadi, shuning uchun Anchelotti orqa to‘rtlikda kimni tanlashini va qaysi futbolchi qaysi pozisiyada o‘ynashni hal qilishi kerak.
Yosh Vinisius Tobiasga e’tibor
19 yoshli futbolchi juda iqtidorli himoyachi hisoblanib, muntazam ravishda Raul qo‘l ostidagi "Kastilya"da maydonga tushadi. Joriy mavsumda u 32 o‘yinda 5 ta golli uzatmani amalga oshirdi.
«Madrid» muxlislaridan biri vaziyatni qisqacha bayon qildi:
"Vinisius Tobias La Liga o‘yinlarida ishtirok etsa nima yo‘qotamiz? U Karvaxaldan yomon emas. Futbolchini tezroq sotib olish variantini ko‘rib chiqish kerak". Ma’lumot uchun Vinisius Tobias "Shaxtyor" futbolchisi hisoblanadi.
